Four Keeps

Musiekgeskiedenis

Musiekgeskiedenis:

Johnny Cash (1932-2003) was ŉ wêreldbekende countrysanger wat bekendheid gedurende die 1950’s verwerf het.
Elvis Presley was een van die gewildste rocksterre
The Rolling Stones, wat oor meer as 50 jaar wêreldwye sukses met hul albums en konserte behaal het was die suksesvolste rock groep ooit
Een van die gewildste operas is Die Towerfluit deur Wolfgang Amadeus Mozart.
Michael Jackson is tydens die 1980’s as die “koning van pop” bestempel en was bekend vir sy “moonwalk”, ŉ dans beweging waartydens hy hom na agter getrek het sodat lyk of hy vorentoe loop.

Waarom is musiek goed vir ̓n mens?

Deur Melodie Veldhuizen

“Musiek spreek met emosies wat woorde alleen nie kan uitdruk nie. Omdat musiek nie aan ʼn taal gebonde is nie, kan dit met alle mense praat. Dwarsdeur ons lewe behou musiek vir ons hierdie funksie: dit troos en laaf en inspireer ons.” (RH Terry)

Daar is heelwat redes waarom musiek goed is vir jou.

Musiek is voorspelbaar, gestruktureer en georganiseer en die mens se brein reageer positief daarop.
Musiek spreek tot ons emosies

Wat ook al jou gemoedstemming, daar sal altyd ʼn deuntjie of liedjie wees wat jou hartseer of weemoedig stem, jou laat verlang, of jou laat glimlag. ʼn Spesifieke liedjie of deuntjie herinner jou aan ʼn spesifieke plek, gebeurtenis of persoon en herroep kosbare herinneringe.

Musiek en gemoedstemming

Selfs al voel jy bedruk, verbeter jou gemoedstemming wanneer jy na jou gunstelingmusiek luister. Die musiek veroorsaak dat jou brein ʼn neuroöordraer genaamd dopamien vrystel, wat gevoelens van geluk, opwinding en vreugde versterk.

Musiek en spanning Depressie

Musiek en spanning

Spanning laat jou hartklop versnel en verhoog jou bloeddruk en is dikwels die oorsaak van ander siektetoestande. Wanneer jy na musiek luister wat jy geniet, verlaag dit die kortisolvlakke in jou liggaam, wat die effek van chroniese spanning teenwerk.

Musiek en depressie

Musiek kan as ʼn natuurlike antidepressant beskou word omdat die brein die neuroöordraers serotonien en dopamien vrystel, wat jou gelukkig laat voel en jou algehele welstand verbeter. Dit stel ook die hormoon norepinefrien vry wat ’n gevoel van welbehae skep.

Musiek Eet - Lekker Slaap - Motor Bestuur

Musiek en eet

Navorsingsresultate toon dat die kombinasie van sagte beligting en strelende musiek maak dat jy minder eet en terselfdertyd jou kos meer geniet.

Musiek laat jou lekker slaap

Luister vir minstens ʼn uur voor jy gaan slaap na klassieke of enige ontspannende musiek. Dit sal jou beter laat slaap.

Musiek en motor bestuur

As jy na musiek luister terwyl jy bestuur, verbeter jou gemoedstemming sodat jy veiliger bestuur en minder geneig sal wees tot padwoede.

Musiek verbeter Leervermoë - Verbale instelligensie - Verhoog IK

Musiek verbeter leervermoë en geheue

Volwassenes en kinders wat na musiek luister terwyl hulle studeer, memoriseer en herroep inligting makliker. Dit hou waarskynlik verband met verlaagde dopamienvlakke. Moedig dus jou kinders aan om na (die regte) musiek te luister terwyl hulle studeer.

Musiek bevorder verbale intelligensie

Navorsingsresultate toon dat daar by 90% van kinders tussen vier en ses jaar ʼn beteknisvolle toename in verbale intelligensie was ná slegs een maand se musieklesse waartydens hulle meer oor ritme, toonhoogte, melodie en stemtoon geleer het.

Musiek verhoog IK en verbeter akademiese prestasie

Kinders wat musiek- of sanglesse neem, presteer akademies beter as hul maats wat deelneem aan buitemuurse aktiwiteiteite wat nie met musiek verband hou nie.

Musiek en Pyn - Sosiale ervaring

Musiek en pyn

Daar bestaan nog onsekerheid oor hoe dit werk, maar navorsing het getoon dat persone wat chroniese pyn ervaar het, verligting ervaar het deur na musiek te luister. Dit kan moontlik toegeskryf word aan die feit dat musiek spanning verlig en die liggaam dienooreenkomstig reageer. Dopamienvlakke speel ook ʼn belangrike rol in ons ervaring van pyn en omdat musiek bydra tot dopamienvrystelling, bring dit ook pynverligting mee.

Musiek is ʼn sosiale ervaring en bind mense saam.

Musiekervarings word dikwels met ander mense gedeel deur middel van byvoorbeeld groepmusieklesse of groepdanse, deur in ʼn orkes te speel of in ʼn koor te sing, of selfs na musiekuitvoerings te luister, of ons luister saam met vriende of familie wat ons musieksmaak deel.

Viva musiek! Dis ʼn taal wat nooit sal uitsterf nie.

’n Studie deur Kanadese neurowetenskaplikes toon dat baie lae-frekwensie (very low frequency)-klanke, eintlik die ding is wat die voete laat jeuk en mense laat dans.

“Musiek wat mense wil laat beweeg, is geneig om meer lae-frekwensie klank te hê en basinstrumente verskaf tipies die musikale polsslag waarop mense wil dans," sê dr. Daniel Cameron, neurowetenskaplike van die McMaster-universiteit in Kanada.

Die span navorsers het konsertgangers by ? elektroniese musiekkonsert deur die Kanadese duo Orphx met hoofbande toegerus om hul bewegings te monitor, en bevind dat tydens periodes waar baie lae frekwensie-klanke (ook bekend as sub-basklanke) gespeel is, mense meer beweeg het, al kon hulle nie die frekwensies hoor nie.

Die navorsers het spesialiseerde, baie lae frekwensie-luidsprekers elke 2,5 minute tydens die uitvoering aan- en afgeskakel en die dansers se beweging gemonitor.

Daar is ontdek dat die onopspoorbare sub-basklanke 11,8% meer beweging by dansers ontlok het, al was hulle nie "bewustelik bewus" van die frekwensies nie. Mense het met meer entoesiasme en met meer oordrewe bewegings gedans.

“Dit is waarskynlik dat die sub-bas klanke deur meganoreseptore op die vel en in die liggaam aangevoel word, sowel as die vestibulêre stelsel in die binneoor, wat gekoppel is aan die gevoel van balans, “ verduidelik dr. Cameron.

Die navorsers reken dat lae toonhoogtes mense help om makliker op die maat van musiek te beweeg.

Die studie is in die Current Biology-joernaal gepubliseer is.

Boererate

03 - Jan -2023 Boererate vir vandag:
Asem
Eet pietersielie vir stink asem.
Bloed
Drink beetsap om jou vel skoon te hou. Dit reinig die bloed.
Bloeddruk
Drink 1 eetlepel asyn saam met 125ml water om jou bloeddruk te verlaag.
Bloei
Sit cayenne peper op die wond. Die voering van ´n ou hoed kan ook op die wond gesit word.

Blaasinfeksie
Peter M von Maltitz stuur die volgende raad:
Brandnetel is ´n wonderlike ding. Sy sap laat die sure in die bloed neerslaan. Die niere kan dan van die gemors ontslae raak. As daar te veel gemors gelyktydig by die niere aankom dan word die waterwerke verstop met al die modder. Burnet het reeds baie jare gelede vasgestel dat 5 druppels elke 2 uur net die ding is. Hoe om jou druppels te maak:
Pluk jong sappige groen brandnetel. Kap fyn en sit dit in ´n bottel. Bedek met alkohol, 26-30%. of Laat granaatskille soos tee trek en drink dit dan.
Bloed
Drink beetsap om jou vel skoon te hou. Dit reinig die bloed.
Geswelde oë
´n Knippie koeksoda word met koue water gemeng. Vee dit liggies oor jou oë met watte.
Gewig
Drink gereeld kookwater met suurlemoen om gewig te verloor.
Gordelroos
Mart-Mirie Esterhuizen: "Maak steenkool (daai van die visse of gewone charcoal waarmee ons braai) fyn. Meng dit met mielieblom en water om 'n pasta te vorm. Vog 1/2 teelepel rooipeper by. Smeer aan aangetasde area en hou daar totdat dit droog word. Smeer 2x per dag aan. Die steenkool maak virus dood en die rooipeper verdoof die area. (Beproef met my dogter wat ook gordelroos gehad het, dit was binne 3 dae weg, en het nog nooit weer teruggekeer nie)

Fourkeeps Internet Radio

Musiek Nuus / Boererate